Бурю страстей лютых силен угасити Святый и Всечестный Крест Христов, той бо меч духовный, щит верных, оружие всесильное и знамение всепобеждающее, сего ради и мы недостойнии в веселии взываем Богу: Аллилуиа.
Боготочный источник исцелений бысть нам Крест Чудодейственный, на нем бо Христос волею пострада нашего ради спасения, и Божественныя длани Своя распростёрши, любовию Отчею с Голгофы объя всю вселенную, сего ради возопиём Ему, Богу нашему, песнь: Аллилуиа.
Проповедником Богоносным явися честное Древо, из него бо бе сооружен Крест Христов, Крест четвероконечный, трисоставный, его бо земля чудодейственно израсти нетленным и зело благоухающим. Крест — покров беспомощных, на нем бо Христос волею заклан бысть. Ему бо, Спасителю мира, приносим песнь: Аллилуиа.
Молитвы: Елицы